PAGINA CARIONIS
Carions Umfeld. | Zurück zur Carion-Startseite. | Zurück zu meiner Homepage. |
MELCHIOR ADAM über CARION (1615)
IOANNES CARIO. |
Johannes Carion |
O(biit) 1538. Ioannes Cario nascitur A. C. 1499. A teneris optimarum literarum & artium studiosus fuit, inque pluribus Germaniae Academiis, praesertim in Witebergensi, tum facile omnium principe, cum laude versatus. |
Gestorben 1538.
|
Studia Carionis. Dedit autem operam cognitioni tum omnium disciplinarum, tum imprimis Matheseos; cuius & professioni in Academia Francofurtana praefuit. |
Carions Studien
|
Scripta eiusdem. Scripsit Cario practicas Astrologicas, & Ephemerides aliquot annorum; quarum vna continuit praesagia et iudicia ab anno 1536. ad annum vsque 1550. Fuit et historiarum cupidus; easque in Epitomen redigere conatus est; idque hac occasione. |
Werke desselben
|
Philipp(us) Elector historia(rum) amans. Illustrissimus princeps Philippus Palatinus Elector cum audiret in aula sua doctos viros, Rodolphum Agricolam, & Ioan. Dalburgium Episcopum Wormatiensem, in deliberationibus de Republ(ica) proferre exempla monarchiae Persicae, Graecae, Romanae: petiuit ab iis, vt in hunc vsum colligerent epitomen praecipuarum rerum gestarum in monarchiis. Collegerunt viri illi è monumentis sacris & profanis Graecis & Latinis praecipuas narrationes: quod scriptum adhuc exstat in bibliotheca Palatina. |
Kurfürst Philipp, Liebhaber der
Geschichte
|
Chronica Carionis qua occasione conscripta. Hoc proculdubio Cario excitatus, simili studio collegit farraginem quandam historiarum: quam circa annum Christi 1530. misit excudendam, sed prius emendandam Melanchthoni; vt ex epistola eius quadam ad Camerarium patet. Cario (inquit) huc misit Chronica excudenda; sed ea lege, vt ego emendarem. Sunt multa scripta negligentius. Itaque ego totum opus retexo; & quidem Germanice; & constitui complecti praecipuas mutationes maximorum imperiorum. Cum igitur limam adhibuisset Philippus, & in ordinem redegisset; prodiit liber Germanice Witebergae, & lectus est auide in Germania, & omnibus Europae regnis. Sed cum rudius esset scriptus, Melanchthon in extrema senecta totum retexuit, colligendo praecipuas historias Ecclesiae & imperiorum ex Hebraeis fontibus, & ex scriptoribus Graecis ac latinis, Herodoto, Thucydide, Xenophonte, Diodoro Siculo, Polybio, Plutarcho, Pausania, Liuio, & aliis permultis. Carionis autem nomen praefixit; quia ille primus occasionem contexendi eiusmodi scripti praebuerat, & commendare amicum ad posteros voluit. A morte Melanchthonis continuauit illud scriptum gener eius Caspar Peucerus ad Carolum V. vsque. Germanice idem reddidit Eusebius Menius. Mortuus est Cario in flore aetatis Berlini anno 1538. aetat(is) suae 39. |
Hintergrund der Abfassung der "Chronica
Carionis"
|
Adam,
Melchior: Vitae Germanorum philosophorum, qui seculo superiori, et quod
excurrit, philosophicis ac humanioribus literis clari floruerunt. -
Frankfurt <Main>: Impensis Jonae Rosae; [Heidelberg:] Typis Johannis
Lacelloti [recte: Lancelotti], Acad. Typogr., 1615. - [15], 526, [8] S. 8°
- Sign. Ha
T 008 (2. Ex. Sch 070/150; Titelauflage Sch 070/152-1); S. 104f.
Im Original sind die hier kursiv gedruckten Überschriften Randangaben. |
|
http://www.uni-mannheim.de/mateo/camenaref/adam/adam1/s120.html |
Zurück zur Carion-Startseite. | Zurück zu meiner Homepage! |