CAESAR SERVIENS, BELLUM GALLICUM VII, 90
 
1 His rebus confectis in Aeduos proficiscitur; civitatem recipit.

2 Eo legati ab Arvernis missi, quae imperaret, se facturos pollicentur.

3 Imperat magnum numerum obsidum. Legiones in hiberna mittit. Captivorum circiter viginti milia Aeduis Arvernisque reddit.

4 T. Labienum duabus cum legionibus et equitatu in Sequanos proficisci iubet: huic M. Sempronium Rutilum attribuit.

5 G. Fabium legatum et L. Minucium Basilum cum legionibus duabus in Remis collocat, ne quam ab finitimis Bellovacis calamitatem accipiant.

6 G. Antistium Reginum in Ambivaretos, T. Sextium in Bituriges, G. Caninium Rebilum in Rutenos cum singulis legionibus mittit.

7 Q. Tullium Ciceronem et P. Sulpicium Cabilloni et Matiscone in Aeduis ad Ararim rei frumentariae causa collocat. Ipse Bibracte hiemare constituit.

8 Huius anni rebus cognitis Romae dierum viginti supplicatio redditur.

1
   His rebus confectis
in Aeduos proficiscitur;
civitatem recipit.

2
Eo legati ab Arvernis missi,
      quae imperaret,
   se facturos
pollicentur.

3
Imperat magnum numerum obsidum.
Legiones in hiberna mittit.
Captivorum circiter viginti milia Aeduis Arvernisque reddit.

4
  
T. Labienum duabus cum legionibus et equitatu in Sequanos proficisci
iubet:
huic M. Sempronium Rutilum attribuit.

5
C. Fabium legatum et L. Minucium Basilum cum legionibus duabus in Remis collocat,
   ne quam ab finitimis Bellovacis calamitatem accipiant.

6
C. Antistium Reginum in Ambivaretos,
T. Sextium in Bituriges,
C. Caninium Rebilum in Rutenos cum singulis legionibus mittit.

7
Q. Tullium Ciceronem et P. Sulpicium Cabilloni et Matiscone in Aeduis ad Ararim rei frumentariae causa collocat.
Ipse Bibracte hiemare constituit.

8
   Huius anni rebus cognitis
Romae dierum viginti supplicatio redditur.