CAESAR SERVIENS, BELLUM GALLICUM VII, 89
 
1 Postero die Vercingetorix concilio convocato id bellum se suscepisse non suarum necessitatum, sed communis libertatis causa demonstrat,

2 et quoniam sit fortunae cedendum, ad utramque rem se illis offerre, seu morte sua Romanis satisfacere seu vivum tradere velint.

3 Mittuntur de his rebus ad Caesarem legati.

4 Iubet arma tradi, principes produci. Ipse in munitione pro castris consedit: eo duces producuntur; Vercingetorix deditur, arma proiciuntur.

5 Reservatis Aeduis atque Arvernis, si per eos civitates recuperare posset, ex reliquis captivis toto exercitui capita singula praedae nomine distribuit.

1
Postero die Vercingetorix
   concilio convocato
   id bellum se suscepisse non suarum necessitatum,
   sed communis libertatis causa
demonstrat,

2
      et quoniam sit fortunae cedendum,
   ad utramque rem se illis offerre,
      seu morte sua Romanis satisfacere
      seu vivum tradere velint.

3
Mittuntur de his rebus ad Caesarem legati.

4
Iubet
   arma tradi,
   principes produci.
Ipse in munitione pro castris consedit:
eo duces producuntur;
Vercingetorix deditur,
arma proiciuntur.

5
   Reservatis Aeduis atque Arvernis,
      si per eos civitates recuperare posset,
ex reliquis captivis toto exercitui capita singula praedae nomine distribuit.