CAESAR SERVIENS, BELLUM GALLICUM VII, 84
 
1 Vercingetorix ex arce Alesiae suos conspicatus ex oppido egreditur; crates, longurios, musculos, falces reliquaque, quae eruptionis causa paraverat, profert.

2 Pugnatur uno tempore omnibus locis, atque omnia temptantur: quae minime visa pars firma est, huc concurritur.

3 Romanorum manus tantis munitionibus distinetur nec facile pluribus locis occurrit.

4 Multum ad terrendos nostros valet clamor, qui post tergum pugnantibus exstitit, quod suum periculum in aliena vident salute constare:

5 omnia enim plerumque, quae absunt, vehementius hominum mentes perturbant.
1
Vercingetorix ex arce Alesiae suos conspicatus ex oppido egreditur;
crates, longurios, musculos, falces reliquaque,
   quae eruptionis causa paraverat,
profert.

2
Pugnatur uno tempore omnibus locis,
atque omnia temptantur:
   quae minime visa pars firma est,
huc concurritur.

3
Romanorum manus tantis munitionibus distinetur
nec facile pluribus locis occurrit.

4
Multum ad terrendos nostros valet clamor,
   qui post tergum pugnantibus exstitit,
   quod suum periculum in aliena vident salute constare:

5
omnia enim plerumque,
   quae absunt,
vehementius hominum mentes perturbant.