CAESAR SERVIENS, BELLUM GALLICUM VII, 82
 
1 Dum longius ab munitione aberant Galli, plus multitudine telorum proficiebant; posteaquam propius successerunt, aut se stimulis inopinantes induebant aut in scrobes delati transfodiebantur aut ex vallo ac turribus traiecti pilis muralibus interibant.

2 Multis undique vulneribus acceptis nulla munitione perrupta, cum lux appeteret, veriti, ne ab latere aperto ex superioribus castris eruptione circumvenirentur, se ad suos receperunt.

3 At interiores, dum ea, quae a Vercingetorige ad eruptionem praeparata erant, proferunt, priores fossas explent,

4 diutius in his rebus administrandis morati prius suos discessisse cognoverunt, quam munitionibus appropinquarent. Ita re infecta in oppidum reverterunt.

1
   Dum longius ab munitione aberant Galli,
plus multitudine telorum proficiebant;
   posteaquam propius successerunt,
aut se stimulis inopinantes induebant
aut in scrobes delati transfodiebantur
aut ex vallo ac turribus traiecti pilis muralibus interibant.

2
  
Multis undique vulneribus acceptis
   nulla munitione perrupta,
   cum lux appeteret,
veriti,
   ne ab latere aperto ex superioribus castris eruptione circumvenirentur,
se ad suos receperunt.

3
At interiores,
   dum ea,
      quae a Vercingetorige ad eruptionem praeparata erant,
   proferunt,
priores fossas explent,

4
diutius in his rebus administrandis morati prius suos discessisse cognoverunt,
   quam munitionibus appropinquarent.
Ita
   re infecta
in oppidum reverterunt.