CAESAR SERVIENS, BELLUM GALLICUM VII, 60
 
1 Sub vesperum consilio convocato cohortatus, ut ea, quae imperasset, diligenter industrieque administrarent, naves, quas Metlosedo deduxerat, singulas equitibus Romanis attribuit, et prima confecta vigilia quattuor milia passuum secundo flumine silentio progredi ibique se exspectari iubet.

2 Quinque cohortes, quas minime firmas ad dimicandum esse existimabat, castris praesidio relinquit;

3 quinque eiusdem legionis reliquas de media nocte cum omnibus impedimentis adverso flumine magno tumultu proficisci imperat.

4 Conquirit etiam lintres: has magno sonitu remorum incitatas in eandem partem mittit. Ipse post paulo silentio egressus cum tribus legionibus eum locum petit, quo naves appelli iusserat.
1
   Sub vesperum consilio convocato
cohortatus,
   ut ea,
      quae imperasset,
   diligenter industrieque administrarent,
naves,
   quas Metlosedo deduxerat,
singulas equitibus Romanis attribuit,
et
   prima confecta vigilia
   quattuor milia passuum secundo flumine silentio progredi
   ibique se exspectari
iubet.

2
Quinque cohortes,
   quas minime firmas ad dimicandum esse existimabat,
castris praesidio relinquit;

3
   quinque eiusdem legionis reliquas de media nocte cum omnibus impedimentis adverso flumine magno tumultu proficisci
imperat.

4
Conquirit etiam lintres:
has magno sonitu remorum incitatas in eandem partem mittit.
Ipse post paulo silentio egressus
cum tribus legionibus eum locum petit,
   quo naves appelli iusserat.