CAESAR SERVIENS, BELLUM GALLICUM 6, 39
 
1 Interim confecta frumentatione milites nostri clamorem exaudiunt: praecurrunt equites; quanto res sit in periculo, cognoscunt. 

2 Hic vero nulla munitio est quae perterritos recipiat: modo conscripti atque usus militaris imperiti ad tribunum militum centurionesque ora convertunt; quid ab his praecipiatur exspectant. 

3 Nemo est tam fortis, quin rei novitate perturbetur. 

4 Barbari signa procul conspicati oppugnatione desistunt: redisse primo legiones credunt, quas longius discessisse ex captivis cognoverant; postea dispecta paucitate ex omnibus partibus impetum faciunt.
1 
   Interim confecta frumentatione 
milites nostri clamorem exaudiunt: 
praecurrunt equites; 
   quanto res sit in periculo, 
cognoscunt. 

2 
Hic vero nulla munitio est, 
   quae perterritos recipiat: 
modo conscripti atque usus militaris imperiti ad tribunum militum centurionesque ora convertunt; 
   quid ab his praecipiatur, 
exspectant. 

3 Nemo est tam fortis, quin rei novitate perturbetur. 

4 
Barbari signa procul conspicati oppugnatione desistunt: 
redisse primo legiones credunt, 
   quas longius discessisse ex captivis cognoverant; 
postea 
   dispecta paucitate 
ex omnibus partibus impetum faciunt.