CAESAR SERVIENS, BELLUM GALLICUM 6, 1
 
1 Multis de causis Caesar maiorem Galliae motum exspectans per Marcum Silanum, Gaium Antistium Reginum, Titum Sextium legatos dilectum habere instituit; 

2 simul ab Gnaeo Pompeio proconsule petit, quoniam ipse ad urbem cum imperio rei publicae causa remaneret, quos ex Cisalpina Gallia consulis sacramento rogavisset, ad signa convenire et ad se proficisci iuberet, 

3 magni interesse etiam in reliquum tempus ad opinionem Galliae existimans tantas videri Italiae facultates ut, si quid esset in bello detrimenti acceptum, non modo id brevi tempore sarciri, sed etiam maioribus augeri copiis posset. 

4 Quod cum Pompeius et rei publicae et amicitiae tribuisset, celeriter confecto per suos dilectu tribus ante exactam hiemem et constitutis et adductis legionibus duplicatoque earum cohortium numero, quas cum Quinto Titurio amiserat, et celeritate et copiis docuit, quid populi Romani disciplina atque opes possent.
1 
Multis de causis Caesar maiorem Galliae motum exspectans 
per Marcum Silanum, Gaium Antistium Reginum, Titum Sextium legatos dilectum habere instituit; 

2 
simul ab Gnaeo Pompeio proconsule petit, 
   quoniam ipse ad urbem cum imperio rei publicae causa remaneret, 
      quos ex Cisalpina Gallia consulis sacramento rogavisset, 
   ad signa convenire et ad se proficisci iuberet, 

3 
   magni interesse etiam in reliquum tempus ad opinionem Galliae 
existimans 
   tantas videri Italiae facultates, 
      ut, 
         si quid esset in bello detrimenti acceptum, 
      non modo id brevi tempore sarciri, 
      sed etiam maioribus augeri copiis posset. 

4 
   Quod cum Pompeius et rei publicae et amicitiae tribuisset, 
   celeriter confecto per suos dilectu 
   tribus ante exactam hiemem et constitutis et adductis legionibus 
   duplicatoque earum cohortium numero, 
      quas cum Quinto Titurio amiserat, 
et celeritate et copiis docuit, 
   quid populi Romani disciplina atque opes possent.