CAESAR SERVIENS, BELLUM GALLICUM 5, 42
 
1 Ab hac spe repulsi Nervii vallo pedum IX et fossa pedum XV hiberna cingunt. 

2 Haec et superiorum annorum consuetudine ab nobis cognoverant et, quos clam de exercitu habebant captivos, ab eis docebantur; 

3 sed nulla ferramentorum copia, quae esset ad hunc usum idonea, gladiis caespites circumcidere, manibus sagulisque terram exhaurire nitebantur. 

4 Qua quidem ex re hominum multitudo cognosci potuit: nam minus horis tribus milium pedum XV in circuitu munitionem perfecerunt 

5 reliquisque diebus turres ad altitudinem valli, falces testudinesque, quas idem captivi docuerant, parare ac facere coeperunt.


Ab hac spe repulsi Nervii vallo pedum IX et fossa pedum XV hiberna cingunt. 


Haec et superiorum annorum consuetudine ab nobis cognoverant 
et, 
   quos clam de exercitu habebant captivos, 
ab eis docebantur; 


   sed nulla ferramentorum copia, 
      quae esset ad hunc usum idonea, 
gladiis caespites circumcidere, 
manibus sagulisque terram exhaurire nitebantur. 


Qua quidem ex re hominum multitudo cognosci potuit: 
nam minus horis tribus milium pedum XV in circuitu munitionem perfecerunt 


reliquisque diebus turres ad altitudinem valli, falces testudinesque, 
   quas idem captivi docuerant, 
parare ac facere coeperunt.