CAESAR SERVIENS, BELLUM GALLICUM 4, 36
 
1 Eodem die legati ab hostibus missi ad Caesarem de pace venerunt.

2 His Caesar numerum obsidum, quem ante imperaverat, duplicavit eosque in continentem adduci iussit, quod propinqua die aequinoctii infirmis navibus hiemi navigationem subiciendam non existimabat.

3 Ipse idoneam tempestatem nactus paulo post mediam noctem naves solvit, quae omnes incolumes ad continentem pervenerunt;

4 sed ex iis onerariae duae eosdem portus, quos reliquae capere non potuerunt, et paulo infra delatae sunt.
1
Eodem die legati ab hostibus missi ad Caesarem de pace venerunt.

2
His Caesar numerum obsidum,
   quem ante imperaverat,
duplicavit
eosque in continentem adduci iussit,
   quod propinqua die aequinoctii infirmis navibus hiemi navigationem subiciendam non existimabat.

3
Ipse idoneam tempestatem nactus paulo post mediam noctem naves solvit,
   quae omnes incolumes ad continentem pervenerunt;

4
sed ex iis onerariae duae eosdem portus,
   quos reliquae capere non potuerunt,
et paulo infra delatae sunt.