| 1 Caesar cum ab hoste non amplius
passuum XII milibus abesset, ut erat constitutum, ad eum legati
revertuntur; qui in itinere congressi magnopere, ne longius progrederetur,
orabant.
2 Cum id non impetrassent, petebant, uti ad eos equites, qui agmen antecessissent, praemitteret eosque pugna prohiberet, sibique ut potestatem faceret in Ubios legatos mittendi; 3 quorum si principes ac senatus sibi iure iurando fidem fecissent, ea condicione, quae a Caesare ferretur, se usuros ostendebant: ad has res conficiendas sibi tridui spatium daret. 4 Haec omnia Caesar eodem illo pertinere arbitrabatur, ut tridui mora interposita equites eorum, qui abessent, reverterentur; tamen sese non longius milibus passuum IIII aquationis causa processurum eo die dixit: 5 huc postero die quam frequentissimi convenirent, ut de eorum postulatis cognosceret. 6 Interim ad praefectos, qui cum omni equitatu antecesserant, mittit, qui nuntiarent, ne hostes proelio lacesserent, et si ipsi lacesserentur, sustinerent, quoad ipse cum exercitu propius accessisset. |
| 1 Caesar cum ab hoste non amplius passuum XII milibus abesset, ut erat constitutum, ad eum legati revertuntur; qui in itinere congressi magnopere, ne longius progrederetur, orabant. 2 3 4 5 6 |