CAESAR SERVIENS, BELLUM GALLICUM 4, 8
 
1 Ad haec Caesar, quae visum est, respondit; sed exitus fuit orationis: sibi nullam cum iis amicitiam esse posse, si in Gallia remanerent;

2 neque verum esse, qui suos fines tueri non potuerint, alienos occupare; neque ullos in Gallia vacare agros, qui dari tantae praesertim multitudini sine iniuria possint;

3 sed licere, si velint, in Ubiorum finibus considere, quorum sint legati apud se et de Sueborum iniuriis querantur et a se auxilium petant: hoc se ab Ubiis impetraturum.
1
Ad haec Caesar,
   quae visum est,
respondit;
sed exitus fuit orationis:
   sibi nullam cum iis amicitiam esse posse,
      si in Gallia remanerent;

2
   neque verum esse,
      qui suos fines tueri non potuerint,
   alienos occupare;
   neque ullos in Gallia vacare agros,
      qui dari tantae praesertim multitudini sine iniuria possint;

3
   sed licere,
      si velint,
   in Ubiorum finibus considere,
      quorum sint legati apud se
      et de Sueborum iniuriis querantur
      et a se auxilium petant:
   hoc se ab Ubiis impetraturum.