CAESAR SERVIENS, BELLUM GALLICUM 4, 6
 
1 Qua consuetudine cognita Caesar, ne graviori bello occurreret, maturius, quam consuerat, ad exercitum proficiscitur.

2 Eo cum venisset, ea, quas fore suspicatus erat, facta cognovit:

3 missas legationes ab non nullis civitatibus ad Germanos invitatosque eos, uti ab Rheno discederent: omnia, quae postulassent, ab se fore parata.

4 Qua spe adducti Germani latius iam vagabantur et in fines Eburonum et Condrusorum, qui sunt Treverorum clientes, pervenerant.

5 Principibus Galliae evocatis Caesar ea, quae cognoverat, dissimulanda sibi existimavit, eorumque animis permulsis et confirmatis equitatuque imperato bellum cum Germanis gerere constituit.

1
   Qua consuetudine cognita
Caesar,
   ne graviori bello occurreret,
maturius,
   quam consuerat,
ad exercitum proficiscitur.

2
  
Eo cum venisset,
ea,
   quae fore suspicatus erat,
facta cognovit:

3
   missas legationes ab non nullis civitatibus ad Germanos
    invitatosque eos,
      uti ab Rheno discederent:
       omnia,
         quae postulassent,
      ab se fore parata.

4
Qua spe adducti Germani latius iam vagabantur
et in fines Eburonum et Condrusorum,
   qui sunt Treverorum clientes,
pervenerant.

5
   Principibus Galliae evocatis
Caesar ea,
   quae cognoverat,
dissimulanda sibi existimavit,
   eorumque animis permulsis et confirmatis
    equitatuque imperato
bellum cum Germanis gerere constituit.