CAESAR SERVIENS, BELLUM GALLICUM 3, 22
 
1 Atque in eam rem omnium nostrorum intentis animis alia ex parte oppidi Adiatunnus, qui summam imperii tenebat, cum DC devotis, quos illi soldurios appellant,

2 quorum haec est condicio, ut omnibus in vita commodis una cum iis fruantur, quorum se amicitiae dediderint, si quid his per vim accidat, aut eundem casum una ferant aut sibi mortem consciscant;

3 neque adhuc hominum memoria repertus est quisquam, qui eo interfecto, cuius se amicitiae devovisset, mortem recusaret -

4 cum his Adiatunnus eruptionem facere conatus clamore ab ea parte munitionis sublato, cum ad arma milites concurrissent vehementerque ibi pugnatum esset, repulsus in oppidum tamen, uti eadem deditionis condicione uteretur, a Crasso impetravit.

1
   Atque in eam rem omnium nostrorum intentis animis
alia ex parte oppidi Adiatunnus,
   qui summam imperii tenebat,
cum DC devotis,
   quos illi soldurios appellant,

2
   quorum haec est condicio,
      ut omnibus in vita commodis una cum iis fruantur,
         quorum se amicitiae dediderint,
         si quid his per vim accidat,
      aut eundem casum una ferant
      aut sibi mortem consciscant;

3
neque adhuc hominum memoria repertus est quisquam,
   qui
      eo interfecto,
         cuius se amicitiae devovisset,
   mortem recusaret -

4
cum his Adiatunnus eruptionem facere conatus
   clamore ab ea parte munitionis sublato,
   cum ad arma milites concurrissent
   vehementerque ibi pugnatum esset,
repulsus in oppidum
tamen,
   uti eadem deditionis condicione uteretur,
a Crasso impetravit.