CAESAR SERVIENS, BELLUM GALLICUM 2, 16
 
1 Cum per eorum fines triduum iter fecisset, inveniebat ex captivis Sabim flumen a castris suis non amplius milibus passuum X abesse;

2 trans id flumen omnes Nervios consedisse adventumque ibi Romanorum expectare una cum Atrebatibus et Viromanduis, finitimis suis

3 (nam his utrisque persuaserant, uti eandem belli fortunam experirentur);

4 exspectari etiam ab iis Atuatucorum copias atque esse in itinere;

5 mulieres, quique per aetatem ad pugnam inutiles viderentur, in eum locum coniecisse, quo propter paludes exercitui aditus non esset.
1
   Cum per eorum fines triduum iter fecisset,
inveniebat ex captivis
   Sabim flumen a castris suis non amplius milibus passuum X abesse;

2
   trans id flumen omnes Nervios consedisse
   adventumque ibi Romanorum expectare una cum Atrebatibus et Viromanduis, finitimis suis

3
   (nam his utrisque persuaserant,
      uti eandem belli fortunam experirentur);

4
   exspectari etiam ab iis Atuatucorum copias atque esse in itinere;

5
   mulieres,
      quique per aetatem ad pugnam inutiles viderentur,
   in eum locum coniecisse,
      quo propter paludes exercitui aditus non esset.