CAESAR SERVIENS, BELLUM GALLICUM 2, 13
 
1 Caesar obsidibus acceptis primis civitatis atque ipsius Galbae regis duobus filiis armisque omnibus ex oppido traditis in deditionem Suessiones accipit exercitumque in Bellovacos ducit.

2 Qui cum se suaque omnia in oppidum Bratuspantium contulissent atque ab eo oppido Caesar cum exercitu circiter milia passuum V abesset, omnes maiores natu ex oppido egressi manus ad Caesarem tendere et voce significare coeperunt sese in eius fidem ac potestatem venire neque contra populum Romanum armis contendere.

3 Item, cum ad oppidum accessisset castraque ibi poneret, pueri mulieresque ex muro passis manibus suo more pacem ab Romanis petierunt.
1
Caesar
   obsidibus acceptis
   primis civitatis atque ipsius Galbae regis duobus filiis armisque omnibus ex oppido traditis
in deditionem Suessiones accipit
exercitumque in Bellovacos ducit.

2
   Qui cum se suaque omnia in oppidum Bratuspantium contulissent
   atque ab eo oppido Caesar cum exercitu circiter milia passuum V abesset,
omnes maiores natu ex oppido egressi
manus ad Caesarem tendere et voce significare coeperunt
   sese in eius fidem ac potestatem venire
   neque contra populum Romanum armis contendere.

3
Item,
   cum ad oppidum accessisset
   castraque ibi poneret,
pueri mulieresque ex muro passis manibus suo more pacem ab Romanis petierunt.