CAESAR SERVIENS, BELLUM GALLICUM 2, 2
 
1 His nuntiis litterisque commotus Caesar duas legiones in citeriore Gallia novas conscripsit et, inita aestate in ulteriorem Galliam qui deduceret, Q. Pedium legatum misit.

2 Ipse, cum primum pabuli copia esse inciperet, ad exercitum venit.

3 Dat negotium Senonibus reliquisque Gallis, qui finitimi Belgis erant, uti ea, quae apud eos gerantur, cognoscant seque de his rebus certiorem faciant.

4 Hi constanter omnes nuntiaverunt manus cogi, exercitum in unum locum conduci.

5 Tum vero dubitandum non existimavit, quin ad eos proficisceretur.

6 Re frumentaria provisa castra movet diebusque circiter XV ad fines Belgarum pervenit.
1
His nuntiis litterisque commotus Caesar duas legiones in citeriore Gallia novas conscripsit
et,
   inita aestate in ulteriorem Galliam qui deduceret,
Q. Pedium legatum misit.

2
Ipse,
   cum primum pabuli copia esse inciperet,
ad exercitum venit.

3
Dat negotium Senonibus reliquisque Gallis,
   qui finitimi Belgis erant,
   uti ea,
      quae apud eos gerantur,
   cognoscant
   seque de his rebus certiorem faciant.

4
Hi constanter omnes nuntiaverunt
   manus cogi,
   exercitum in unum locum conduci.

5
Tum vero dubitandum non existimavit,
   quin ad eos proficisceretur.

6
   Re frumentaria provisa
castra movet
diebusque circiter XV ad fines Belgarum pervenit.